काठमाडौं । नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (NAIMA) ले आयोजना गर्न लागेको NAIMA Nepal Mobility Expo 2026 – Nepal’s Largest Auto Expo को सम्पूर्ण तयारी पूरा भएको छ । एक्स्पो २०८३ साउन २६ देखि ३१ गते (११–१६ अगस्ट २०२६) सम्म काठमाडौंको भृकुटीमण्डपमा सञ्चालन हुनेछ ।

उद्घाटन समारोहमा नेपाल सरकारका विशिष्ट पदाधिकारी, विभिन्न कूटनीतिक नियोगका अधिकारी, प्रतिष्ठित संघसंस्थाका प्रतिनिधि, NAIMA का पदाधिकारी तथा सदस्य संस्था, प्रदर्शनी साझेदार र अटोमोबाइल क्षेत्रसँग सम्बन्धित विभिन्न संस्थाका प्रतिनिधिको सहभागिता रहनेछ । नेपालकै सबैभन्दा ठूलो मोबिलिटी प्रदर्शनीका रूपमा आयोजना हुन लागेको एक्स्पोमा ५५ भन्दा बढी राष्ट्रिय तथा अन्तर्राष्ट्रिय अटोमोबाइल तथा मोबिलिटी ब्रान्ड सहभागी हुनेछन्। एक्स्पो अवधिभर स्वदेशी तथा विदेशी विज्ञहरूको सहभागितामा Learning Sessions, Policy Dialogues and Industry Interactions लगायतका कार्यक्रम सञ्चालन हुनेछन् ।

NAIMA की अध्यक्ष रितु सिंह वैद्यले एक्स्पो नेपालको मोबिलिटी क्षेत्रको वर्तमान अवस्था प्रस्तुत गर्ने मात्र नभई भविष्यको दिशा तय गर्ने महत्वपूर्ण मञ्च बन्ने बताइन् । “एक्स्पोको सम्पूर्ण तयारी पूरा भइसकेको छ । यसपटक प्रविधि, नवप्रवर्तन र दिगो मोबिलिटीका क्षेत्रमा भएका नवीनतम विकासलाई नेपाली उपभोक्तासमक्ष ल्याउँदैछौँ,” उनले भनिन्, “उद्योग क्षेत्रको उत्साहपूर्ण सहभागिताले एक्स्पोप्रतिको विश्वास अझ बलियो बनाएको छ ।”

त्यस्तै, एक्स्पोको अटो सो प्लानिङ कमिटीका अध्यक्ष गौरव सारडाले NAIMA बोर्ड तथा विभिन्न समितिको नेतृत्व र मार्गदर्शनमा सचिवालयले सदस्य कम्पनी, प्रदर्शक, साझेदार, सरकारी निकाय तथा अन्य सरोकारवालासँग निरन्तर समन्वय गर्दै तयारी अघि बढाएको बताए । उनका अनुसार यसपटक प्रदर्शनीसँगै Learning Sessions, तालिम तथा जनचेतनामूलक कार्यक्रमलाई पनि विशेष प्राथमिकता दिइएको छ । राष्ट्रिय तथा अन्तर्राष्ट्रिय विज्ञ, उद्योगका नेतृत्वकर्ता, विद्यार्थी र अन्य सरोकारवालालाई जोडेर ज्ञान आदानप्रदान, सीप विकास तथा सुरक्षित र जिम्मेवार मोबिलिटीप्रति जनचेतना अभिवृद्धि गर्ने उद्देश्य राखिएको छ ।

NAIMA का कार्यकारी निर्देशक राजकुमार दुलालले एक्स्पो प्रदर्शनीसँगै सिकाइ र जनचेतनाको केन्द्रका रूपमा रहने बताए। उनले ६ दिनसम्म सञ्चालन हुने विभिन्न Learning Sessions, Policy Dialogues and Industry Interactions मा सहभागी हुन सबैलाई आग्रह गरे । उद्घाटन समारोहपछि साउन २६ गते दिउँसो १ बजेदेखि साँझ ७ बजेसम्म एक्स्पो खुला रहनेछ । त्यसपछिका दिनमा भने बिहान ११ बजेदेखि साँझ ७ बजेसम्म सर्वसाधारणका लागि प्रदर्शनी खुला रहने आयोजकले जनाएको छ । एक्स्पोमा विभिन्न बैंक, बीमा, प्रविधि, शिक्षा, चार्जिङ, राइड, हस्पिटालिटी, मेडिकल, सुरक्षा तथा डिजिटल क्षेत्रका संस्थाहरू साझेदारका रूपमा जोडिएका छन् । ग्लोबल आइएमई बैंक को–स्पोन्सर तथा रेडबुल Powered By का रूपमा रहेका छन् । एनएमबी बैंक र सिद्धार्थ बैंक बैंकिङ पार्टनर तथा सगरमाथा लुम्बिनी इन्स्योरेन्स (सलिको) र एनएलजी इन्स्योरेन्स इन्स्योरेन्स पार्टनरका रूपमा रहेका छन् ।

त्यस्तै BOSCH टेक्नोलोजी पार्टनर, ग्लोबल कलेज र एम्बार्क कलेज एजुकेसन पार्टनर, अग्नि इनर्जी र अजायल इन्जिनियरिङ सोलुसन्स चार्जिङ पार्टनर तथा पठाओ नेपाल राइड पार्टनरका रूपमा रहेका छन् । अक्वा मिनरल्स (अक्वा हन्ड्रेड) हाइड्रेसन पार्टनर, द सोल्टी काठमाडौं हस्पिटालिटी पार्टनर, ग्रान्डी इन्टरनेसनल हस्पिटल मेडिकल पार्टनर, भत्सल इम्पेक्स (हिकभिजन) सर्भिलियन्स पार्टनर तथा हिट्को फायर एन्ड सेफ्टी पार्टनर रहेका छन् ।

यस्तै, आइएमई खल्ती टिकटिङ पार्टनर, युनियन पे क्यूआर पार्टनर, पायनियर इभेन्ट म्यानेजमेन्ट एन्ड मिडिया नेटवर्क अडियो–भिजुअल पार्टनर, डिजिपल सोलुसन्स डिजिटल पार्टनर, एटीएस नेपाल भेइकल सेफ्टी पार्टनर, मिडिया स्पेस सोलुसन्स म्यानेजमेन्ट पार्टनर, वल्र्डलिंक कम्युनिकेसन्स कनेक्टिभिटी पार्टनर तथा प्रफिट मिडिया पब्लिकेसन पार्टनरका रूपमा रहेका छन् ।

आयोजकका अनुसार NAIMA Nepal Mobility Expo 2026 ले नेपालमा अटोमोबाइल तथा मोबिलिटी क्षेत्रका नयाँ प्रविधि, उत्पादन र नवप्रवर्तनबारे जानकारी लिन तथा उद्योग, नीति निर्माता, विज्ञ र उपभोक्ताबीच संवाद गर्ने महत्वपूर्ण अवसर प्रदान गर्नेछ ।