पटाया, थाइल्यान्ड । नेपालकाे रामेछापमा जन्मिएका हिराकाजी श्रेष्ठले थाइल्यान्डको पटायालाई आफ्नो कर्मभूमि बनाउँदै पर्यटन तथा आतिथ्य व्यवसायमा सक्रियता बढाएका छन् । लामो समयदेखि थाइल्यान्डमा रहँदै आएका श्रेष्ठ Apple Tour & Travels का सञ्चालक हुन् । पर्यटन व्यवसायसँगै उनले Royal Gorkha Nepali Restaurant समेत सञ्चालन गर्दै आएका छन् ।

पटायाको पर्यटन क्षेत्रमा सक्रिय श्रेष्ठले विभिन्न देशबाट आउने पर्यटकका लागि भ्रमण तथा यात्रा व्यवस्थापनसम्बन्धी सेवा प्रदान गर्दै आएका छन् । पर्यटकलाई पटायालगायत थाइल्यान्डका प्रमुख पर्यटकीय गन्तव्यको भ्रमण गराउने, यात्रा सहज बनाउने तथा आवश्यक व्यवस्थापन मिलाउने काममा उनको व्यवसाय केन्द्रित छ । पर्यटन व्यवसायसँगै रेष्टुरेन्ट क्षेत्रमा पनि आफ्नो लगानी विस्तार गरेका श्रेष्ठले Royal Gorkha Nepali Restaurant मार्फत थाइल्यान्डमा नेपाली स्वाद र आतिथ्यलाई निरन्तरता दिँदै आएका छन् ।

रेष्टुरेन्टमा नेपालीसँगै थाई, भारतीय तथा अन्य देशका नागरिकसमेत नेपाली परिकारको स्वाद लिन पुग्ने गरेका छन् । रामेछापबाट थाइल्यान्डसम्मको श्रेष्ठको व्यवसायिक यात्रा भने सहज थिएन । नयाँ देश, भाषा, संस्कृति र परिवेशमा आफूलाई स्थापित गर्दै व्यवसाय अघि बढाउन उनले निरन्तर मेहनत र संघर्ष गर्नुपरेको थियो । यही क्रममा उनले पर्यटन, होटल तथा खानपान व्यवसायलाई आफ्नो प्रमुख व्यवसायिक क्षेत्र बनाउँदै लगे ।

श्रेष्ठका लागि पर्यटन व्यवसाय आम्दानीको माध्यम मात्र नभई विभिन्न देशका मानिससँग जोडिने अवसरसमेत बनेको छ । पर्यटकसँगको निरन्तर सम्पर्कका कारण उनले विभिन्न संस्कृति र जीवनशैलीलाई नजिकबाट बुझ्ने अवसर पाएका छन् । साथै, नेपाली स्वाद र आतिथ्यलाई विदेशी भूमिमा चिनाउने काममा पनि उनको व्यवसायले योगदान पुर्‍याउँदै आएको छ ।

रामेछापको गाउँबाट थाइल्यान्डको पटायासम्म आइपुगेका श्रेष्ठ अहिले Apple Tour & Travels, Royal Gorkha Nepali Restaurant मार्फत आफ्नो व्यवसायिक पहिचान स्थापित गर्दै अघि बढिरहेका छन् । उनको यात्रा परदेशमा अवसर खोज्दै व्यवसाय निर्माण गर्न चाहने नेपालीका लागि प्रेरणादायी उदाहरणसमेत बनेको छ ।