.gif)
काठमाडौं, पुस १५ – काठमाडौंको बबरमहल क्षेत्रमा पैदल यात्रीलाई सुरक्षित रूपमा सडक पार गर्न सजिलो बनाउन नयाँ ट्राफिक प्रणालीको सुरुवात गरिएको छ। अबदेखि बबरमहलमा पैदल यात्रुहरूलाई हरियो ट्राफिक बत्ती बालिएपछि साइरन पनि बज्नेछ।
 x 450 (H) Global Pana.jpeg)
काठमाडौं उपत्यका ट्राफिक प्रहरी कार्यालयका अनुसार, यो प्रणालीले पैदल यात्रीहरूलाई बाटो वारपार गर्दा ध्यानाकर्षण गराउन र चालकहरूलाई सचेत गराउन मद्दत गर्नेछ। साइरन बज्दा पैदल यात्रुले निर्धक्क भएर सडक पार गर्न सक्नेछन् भने चालकहरूले आफ्नो गाडी रोक्नुपर्नेछ।
यस प्रणालीले सडक दुर्घटनाको जोखिम न्यून गर्न र पैदल यात्रीमैत्री वातावरण सिर्जना गर्न ठूलो सहयोग पुग्ने विश्वास गरिएको छ। बबरमहल क्षेत्रमा यो सुविधा परीक्षणको रूपमा सुरु गरिएको हो र सफल भएमा अन्य मुख्य स्थानहरूमा पनि विस्तार गरिने योजना छ।
यस नयाँ पहलले काठमाडौंको ट्राफिक व्यवस्थापनलाई अझ प्रभावकारी बनाउने अपेक्षा गरिएको छ।
