इटहरी । MAW अर्थमुभर्स प्रा. लि. अन्तर्गत रहेको जेसीबी नेपालले इटहरीमा जेसीबी ग्राहक सम्मान कार्यक्रम सफलतापूर्वक आयोजना गरेको छ। उक्त कार्यक्रममा विशिष्ट ग्राहकवर्ग, विभिन्न संघ-संस्थाका प्रतिनिधि, उद्योग क्षेत्रका सरोकारवाला र जेसीबी नेपाल टिमका सदस्यहरूको उल्लेखनीय सहभागिता रहेको थियो। यो कार्यक्रम कोशी क्षेत्रका जेसीबी ग्राहकहरूको निरन्तर विश्वास, सहयोग र साझेदारीप्रति कृतज्ञता व्यक्त गर्ने उद्देश्यले आयोजना गरिएको थियो।

यो कार्यक्रम ग्राहकहरूसँगको सम्बन्ध थप सुदृढ पार्न, जेसीबी नेपालको विकासमा उनीहरूको योगदानलाई सम्मान गर्न र भरपर्दो मेसिन, बलियो आफ्टर सेल्स सर्भिस तथा दीर्घकालीन ग्राहक सन्तुष्टिप्रति कम्पनीको प्रतिबद्धतालाई पुनः पुष्टि गर्ने मञ्चको रूपमा सफल रह्यो। कार्यक्रमको प्रमुख आकर्षणका रूपमा जेसीबी उपकरण, पार्ट्स, सर्भिस तथा वार्षिक मर्मत सम्झौता सेवामा दीर्घकालदेखि विश्वास गर्दै आउनुभएका ग्राहकहरूको औपचारिक सम्मान तथा पहिचान गरिएको थियो। उहाँहरूको निरन्तर सहकार्यप्रति कृतज्ञता व्यक्त गर्दै सम्मान पत्र प्रदान गरिएको थियो।

कार्यक्रममा नेपालको निर्माण क्षेत्र, भारी उपकरण क्षेत्र एवम् औद्योगिक तथा व्यापारिक क्षेत्रमा महत्त्वपूर्ण भूमिका निभाउँदै आउनुभएका विभिन्न संघ-संस्थाका प्रतिनिधिहरूलाई पनि मायाको चिनो प्रदान गरिएको थियो। समारोहमा नेपाल हेभी इक्विपमेन्ट एसोसिएसन, निर्माण संघ, क्रसर संघ, इट्टा उद्योग संघ र स्थानीय वाणिज्य संघका प्रतिनिधिहरूलाई सम्मान गरिएको थियो। यस साँझको अर्को महत्त्वपूर्ण क्षणको रूपमा चाबी हस्तान्तरण समारोह रहेको थियो, जहाँ जेसीबी नेपाल टिमले नयाँ जेसीबी मेसिन धनीहरूलाई औपचारिक रूपमा चाबी हस्तान्तरण गरेको थियो।

यस समारोहले जेसीबीको कार्यक्षमता, टिकाउपन र सेवा सञ्जालमा ग्राहकहरूको बढ्दो विश्वासलाई प्रतिबिम्बित गर्न सफल भयो। कार्यक्रमलाई थप महत्त्वपूर्ण बनाउँदै नेपाल हेभी इक्विपमेन्ट एसोसिएसनका अध्यक्ष श्री उमाकान्त शर्माले जेसीबी थ्रीडीएक्स सुपर ब्याकहो लोडरको सरप्राइज बुकिङ गर्नुभयो, जसले जेसीबीको प्रमाणित प्रविधि, कार्यक्षमता र विश्वसनीयतामा भारी उपकरण उद्योगको दृढ भरोसालाई पुनः पुष्टि गरेको थियो। कार्यक्रममा सम्बोधन गर्दै जेसीबी नेपालका प्रमुख कार्यकारी अधिकृत श्री तेज प्रसाद सुबेदीले उपस्थित सम्पूर्ण ग्राहक तथा साझेदारहरूप्रति हार्दिक आभार व्यक्त गर्नुभयो। "हाम्रा ग्राहकहरू केवल मेसिन खरिद गर्ने व्यक्ति मात्र होइन, उहाँहरू हामीले निर्माण गरेको हरेक चीजको आधारस्तम्भ हुनुहुन्छ।

प्रत्येक हस्तान्तरण, सेवा र दीर्घकालीन साझेदारीले हाम्रो सधैं साथमा रहने एउटै मात्र प्रतिज्ञालाई प्रतिनिधित्व गर्दछ। जेसीबी नेपाल विश्वस्तरीय उपकरण, प्रामाणिक आफ्टर सेल्स सर्भिस र विश्वासमा आधारित सम्बन्धको माध्यमबाट नेपालको विकासमा योगदान दिन दृढ प्रतिबद्ध छ। यस समुदायले हामीमाथि राखेको भरोसाका निम्ति हामी हार्दिक सम्मान व्यक्त गर्दछौं।" : श्री तेज प्रसाद सुबेदी, प्रमुख कार्यकारी अधिकृत, जेसीबी

नेपाल (MAW Earthmovers Pvt. Ltd.) जेसीबी नेपालको नेतृत्व टिमले यो कम्पनी विश्वस्तरीय उपकरण, भरपर्दो सेवा र ग्राहक केन्द्रित समाधानको माध्यमबाट नेपालको पूर्वाधार विकासमा योगदान पुर्‍याउन निरन्तर प्रतिबद्ध रहेको कुरामा जोड दिएको छ। कार्यक्रम समापन मन्तव्य, अन्तरक्रियात्मक सत्र र सामुहिक भोजन सहित सम्पन्न भएको थियो जसले ग्राहक, संघका सदस्य र जेसीबी नेपाल टिमबीचको सम्बन्धलाई थप सुदृढ पार्ने अवसर प्रदान गर्यो। जेसीबी ग्राहक सम्मान कार्यक्रम इटहरीको माध्यमबाट जेसीबी नेपालले एकपटक फेरि विश्वास, कार्यक्षमता र साझेदारीका आधारमा सँगै नेपाल निर्माण गर्ने आफ्नो प्रतिबद्धतालाई पुनः पुष्टि गरेको छ।

MAW अर्थमुभर्स प्रा.लि. का बारेमा

MAW अर्थमुभर्स प्रा.लि. नेपालमा जेसीबीका निर्माण तथा भारी उपकरणहरूको एकमात्र अधिकृत वितरक हो। बलियो राष्ट्रव्यापी सञ्जाल, समर्पित सेवा सहायता र ग्राहकलाई प्राथमिकता दिने दृष्टिकोणका साथ MAW अर्थमुभर्स भरपर्दो जेसीबी मेसिन, प्रामाणिक पाटपुर्जा र व्यावसायिक आफ्टर सेल्स सर्भिसहरूको माध्यमबाट नेपालको निर्माण तथा पूर्वाधार विकास क्षेत्रलाई निरन्तर सहयोग गर्दै आइरहेको छ।