काठमाडौं । द ब्रिटिश कलेज (TBC) को भगिनी संस्था ब्रिटिश प्रोफेसनल कलेज (BPC) ले काठमाडौंमा ACCA Presents: BPC Cricket League 2026 आयोजना गर्ने भएको छ । चारदिने इन्डोर क्रिकेट प्रतियोगिता सेप्टेम्बर २३ देखि २६, २०२६ सम्म बूढानीलकण्ठ, चुनिखेलस्थित रोयल स्पोर्ट्स पार्कमा सञ्चालन हुनेछ । बीपीसीको आयोजनामा हुने प्रतियोगितामा ACCA विद्यार्थी, एफिलिएट, सदस्य, ACCA Approved Learning Partners, ACCA Approved Employers तथा व्यक्तिगत ACCA सदस्यका टोलीहरू सहभागी हुनेछन् ।

खेलकुदमार्फत ACCA समुदायबीच सहकार्य, नेटवर्किङ, नेतृत्व, टिमवर्क र आपसी सम्बन्धलाई थप बलियो बनाउने उद्देश्यले प्रतियोगिता आयोजना गर्न लागिएको हो । १६ टोलीबीच प्रतिस्पर्धा ACCA Presents: BPC Cricket League 2026 मा विभिन्न ACCA प्रदायक संस्था तथा ACCA समुदायको प्रतिनिधित्व गर्ने १६ टोली सहभागी हुनेछन् ।

प्रतियोगितामा सहभागी टोलीहरू:

● ब्रिटिश प्रोफेसनल कलेज – २ टोली

● Certified College of Accountancy (CCA) – ३ टोली

● Seed Academy – २ टोली

● Learning Park – १ टोली

● Bright Academy – १ टोली

● FinT Learning Hub – १ टोली

● Embark College – १ टोली

● Seekshya Academy – १ टोली

● GNS Astra – १ टोली

● Sloogers – १ टोली

● AGK Partners – १ टोली

चार दिनसम्म सञ्चालन हुने प्रतियोगिताले ACCA विद्यार्थी, पेशागत जनशक्ति तथा सदस्यहरूलाई कक्षाकोठा र कार्यस्थलभन्दा बाहिर एउटै खेलकुद मञ्चमा जोड्नेछ । प्रतियोगितामार्फत टिमवर्क, नेतृत्व, सञ्चार, नेटवर्किङ, सहभागिता र खेलकुद भावनालाई प्रोत्साहन गर्ने आयोजकको उद्देश्य छ । रु. १ लाख ५० हजारको पुरस्कार प्रतियोगिताको कुल पुरस्कार राशि रु. १ लाख ५० हजार रहेको छ ।

प्रतियोगिताको शीर्ष प्रायोजक ACCA रहेको छ भने Aavan Trading, Auztrix Educational Hub, Shubham International Hospital र AGK Partners ले प्रतियोगितालाई सहयोग गरेका छन्.। नेपालको ACCA तथा व्यावसायिक शिक्षा समुदायका विभिन्न संस्था, विद्यार्थी, सदस्य तथा पेशाकर्मीलाई एउटै मञ्चमा ल्याएर खेलकुदसँगै आपसी सम्बन्ध र नेटवर्किङ विस्तार गर्ने अवसरका रूपमा प्रतियोगितालाई अघि बढाइएको बीपीसीले जनाएको छ ।

ब्रिटिश प्रोफेसनल कलेजबारे ब्रिटिश प्रोफेसनल कलेज (BPC), द ब्रिटिश कलेजको भगिनी संस्था हो । बीपीसीले नेपालमा सन् २०१३ देखि ACCA कार्यक्रम सञ्चालन गर्दै आएको छ । कलेजले ACCA को Platinum Status प्राप्त गरेको छ, जुन ACCA का शैक्षिक प्रदायकहरूका लागि उच्चतम तहको मान्यता हो । शैक्षिक कार्यक्रमसँगै बीपीसीले विद्यार्थीलाई अतिरिक्त क्रियाकलाप, व्यावसायिक नेटवर्किङ तथा विभिन्न सह–पाठ्यक्रम गतिविधिमा सहभागी हुने अवसर प्रदान गर्दै आएको छ ।

द ब्रिटिश कलेज (TBC) सन् २०११ मा स्थापना भएको काठमाडौंस्थित अन्तर्राष्ट्रिय उच्च शिक्षा संस्था हो । कलेजले अन्तर्राष्ट्रिय रूपमा मान्यताप्राप्त बेलायती विश्वविद्यालयका शैक्षिक कार्यक्रमहरू सञ्चालन गर्दै आएको छ । शैक्षिक उत्कृष्टता, विद्यार्थी विकास तथा कक्षाकोठाभन्दा बाहिर विद्यार्थीको सहभागितालाई प्रोत्साहन गर्नु TBC को प्राथमिकतामध्ये एक रहेको छ ।