.gif)
काठमाडौं। एनआइएमबी एस क्यापिटलले आजदेखि नयाँ म्युचुअल फण्ड बिक्री खुला गरेको छ। क्यापिटलले कुल १० करोड इकाई ‘एनआइबीएल स्टेबल फण्ड’ को बिक्री खुला गरेको हो।
 x 450 (H) Global Pana.jpeg)
यो बन्दमुखी योजना भएकोले यसमा माघ ५ गतेसम्म आवेदन दिन सकिनेछ। उक्त समयमा सबै इकाई बिक्री नभएमा माघ १६ गतेसम्म खुला रहनेछ। प्रतिइकाई १० रुपैयाँको दरले आवेदन दिन सकिनेछ। न्यूनतम १०० इकाईदेखि अधिकतम १ करोड इकाईसम्म आवेदन दिन पाउने व्यवस्था रहेको छ।
उक्त बिक्री फण्ड मध्ये १० लाख इकाई योजना व्यवस्थापक एनआइएमबी एस क्यापिटललाई छुट्याइएको छ। यस्तै, १ करोड ४० लाख इकाई कोष प्रवर्धक नेपाल इन्भेष्टमेन्ट मेगा बैंकलाई सुरक्षित गरेको छ। बाँकी ८ करोड ५० लाख इकाई सर्वसाधारणका लागि बिक्री खुला गरेको हो। लगानीकर्ताले सी-आस्वाको माध्यमबाट इकाई भर्न सक्नेछन्। यसमा बिक्री प्रबन्धकको काम एनआइएमबी एस क्यापिटलले गरेको छ।
