मोरङ । संयुक्त अपांग एकता आवाज केन्द्रका अध्यक्ष तिलबहादुर कार्कीकी श्रीमती लिला कार्कीको असामयिक निधनले सबैलाई स्तब्ध बनाएको छ । वैदेशिक रोजगारीका लागि माल्दिभ्स गएकी ४९ वर्षीया कार्कीको हृदयाघातका कारण निधन भएको पारिवारिक स्रोतले जनाएको छ ।

गत २०८१ चैत ९ गते माल्दिभ्समा निधन भएकी कार्कीको शव नेपाल ल्याइपुर्याउन ६ दिन लागेको थियो । लामो समयदेखि विदेशमा कार्यरत कार्कीको मृत्युले परिवार र आफन्तहरू शोकमा परेका छन् । उहाँका दुई छोरी र एक छोरा छन् ।

अन्त्येष्टि :

स्वर्गीय लिला कार्कीको अन्त्येष्टि २०८१ चैत १४ गते कन्काई माईमा गरिने पारिवारिक स्रोतले जनाएको छ । बिहान ९ः०० बजे उर्लाबारी वडा नं. १, मेचेडाँगीस्थित निवासबाट मलामी प्रस्थान गर्ने कार्यक्रम रहेको छ । शोकाकुल परिवारले सम्पूर्ण आफन्त, छरछिमेक तथा शुभेच्छुकलाई मलामीमा सहभागी भई दिवंगत आत्माको चिरशान्तिका लागि प्रार्थना गर्न अनुरोध गरिएको छ । -हार्दिक श्रद्धाञ्जली!