काठमाडौं । नेपाल प्रज्ञा–प्रतिष्ठानले वि.सं. २०८१ का लागि विभिन्न विधाका प्रज्ञा पुरस्कार सम्मानितहरुकाे नाम सार्वजनिक गरेको छ। प्रतिष्ठानले औपचारिक रूपमा एक विज्ञप्ति जारी गर्दै यस वर्षका सम्मानित स्रष्टाहरूको सूची सार्वजनिक गरेको हो ।

यस वर्ष निम्न सर्जकहरू प्रज्ञा पुरस्कारबाट सम्मानित भएका छन्ः

प्रज्ञा भाषा पुरस्कार – श्री चुडामणि रेग्मी

प्रज्ञा सामाजिकशास्त्र पुरस्कार – श्री दिल साहनी

प्रज्ञा सङ्गीत पुरस्कार – श्री डिक बान्तवा 

प्रज्ञा बालसाहित्य पुरस्कार – श्री शारदारमण नेपाल

प्रज्ञा साहित्य पुरस्कार (पद्य) _ श्री जसराज किंराती

प्रज्ञा साहित्य पुरस्कार (गद्य) – श्री कृष्ण धरावासी

प्रज्ञा समालाेचना पुरस्कार – डा. सुधा त्रिपाठी

प्रज्ञा दर्शन पुरस्कार – श्री गोपिरमण उपाध्याय

प्रज्ञा अनुवाद पुरस्कार – डा. बलराम अधिकारी

प्रज्ञा अन्तर्राष्ट्रिय पुरस्कार – श्री भवीलाल लामिछाने (भारत)

प्रत्येक विजेताले नगद रु. १,००,००० (अक्षरूपी एक लाख मात्र) प्राप्त गर्नेछन् । साथै, यस वर्षको मातृभाषा साहित्य पुरस्कार (पहाडी/हिमाली क्षेत्र) श्री गणेश बाम्बुले राइलाई र तराई/मधेश क्षेत्रबाट श्री कमलसिंह रानालाई प्रदान गरिने निर्णय गरिएको छ ।

नेपाल प्रज्ञा–प्रतिष्ठानले यी पुरस्कारहरू भाषा, साहित्य, संस्कृति, सामाजिकशास्त्र, अनुवाद, नाटक, तथा संगीतजस्ता विविध विधाका उत्कृष्ट सर्जकहरूलाई सम्मान पत्र प्रदान गर्दै आएको छ ।