.gif)
✍️डा. श्रीराम अधिकारी
 x 450 (H) Global Pana.jpeg)
तिमी माले भयौ, म झाले भएँ तिमी काङ्ग्रेस भयौ,
म खाङ्ग्रेस भएँ तिमी एमाले भयौ, म बिमाले भएँ
तिमी नेता भयौ, म यता न उता भएँ
महोदय, आखरि देश त एउटै हो तर म किन विभाजित भएँ ?
जातभात मेलापात साझा बन्दै थिए
परम्परा र संस्कृतिका बाजा बज्दै थिए
धर्म मेरो संस्कृति मेरो भाषा मेरो
भेष मेरो जात मेरो वर्ण मेरो क्षेत्र मेरो
आखिर देश त एउटै हो तर म किन विभाजित भए ?
वैभव मेरो संस्कृति मेरो प्रकृति मेरो
आस्था मेरो पहिचान मेरो शक्ति मेरो
विचार मेरो समाज मेरो जीवन मेरो
तर, विषाक्त वैचारिक स्खलन केवल तेरो यसर्थ,
आखिर देश त एउटै हो आज मलाई विभाजित गराइयो |
म त यो प्रकृतिको सुन्दर शृङ्गार हुँ
शक्तिपुञ्जको एक एक बुँद हुँ
ब्रह्माण्डको प्रतिनिधित्व गर्ने पात्र हुँ सृष्टिको सदा अभिछिन्न बीज हुँ ।
तथापि महोदय, आखिर भूगोल त एउटै हो तर सबैलाई विषाक्त पारेर विभाजित गराइयो ।
