.gif)
काठमाडौं । नेपाली कांग्रेसका महामन्त्री प्रदीप पौडेलले नागरिक स्वतन्त्रता, सबल लोकतन्त्र र समुन्नत राष्ट्र निर्माणका लागि सहादत प्राप्त गर्नुहुने सम्पूर्ण शहीदहरुप्रति भावपूर्ण श्रद्धाञ्जली व्यक्त गरेका छन् । २००७ सालको प्रजातन्त्र स्थापनादेखि हालसम्मका विभिन्न राजनीतिक संघर्ष—जसमा जेनजी विद्रोहसमेत समेटिन्छ—मा जीवन आहुति दिनुहुने शहीदहरुको बलिदानले आजको लोकतान्त्रिक अभ्यास सम्भव भएको पौडेलले उल्लेख गरे ।
 x 450 (H) Global Pana.jpeg)
विगतका सहादतबाट प्रेरणा लिँदै नागरिक अपेक्षा अनुसारको विकास र सुशासन हासिल गर्न सारा नेपाली एकताबद्ध हुनुपर्नेमा उनले जोड दिए । “शहीदहरुले देखेको सपना केवल सम्झनामा सीमित नराखी इमान्दार प्रयत्नमार्फत व्यवहारमा उतार्न जरुरी छ,” पौडेलले भने । उनले लोकतन्त्रको रक्षा, सामाजिक न्याय, समावेशी विकास र उत्तरदायी शासन प्रणाली निर्माणका लागि साझा प्रतिबद्धतासहित अघि बढ्न सबै पक्षलाई आह्वान गरे।
