.gif)
काठमाडौं । बझाङबाट काठमाडौं आउँदै गरेको यात्रु बस शुक्रवार विहान कपिलवस्तुमा दुर्घटना भएको छ। ना ६ ख १३३९ नम्बरको बस विहान ५ बजे शिवराज नगरपालिका-३ देउराली मोडमा दुर्घटना भएको हो। दुर्घटनामा परी चार पुरूष र दुई महिला गरी ६ जना घाइते भएका छन्।
 x 450 (H) Global Pana.jpeg)
बसमा चालिस यात्रु सवार रहेको र हाल घाईतेहरुको अवस्था मध्यम रहेको जिल्ला प्रहरी कार्यालय कपिलवस्तुका डिएसपी मिन बहादुर घलेले जानकारी दिएका छन् । उनीहरूको चनौटास्थित सञ्जिवनी अस्पतालमा उपचार भइरहेको छ।
तीव्र गति र मोड भएका कारण दुर्घटना भएको प्रहरीको अनुमान छ। दुर्घटना भएको सूचना प्राप्त भएको पाँच मिनेटमै प्रहरी घटनास्थलमा पुगेर घाइतेलाई उद्धार गरी अस्पताल पठाइएको छ। दुर्घटनापछि चालक भने फरार रहेका छन् । उनको खोजीकार्य जारी रहेको प्रहरीले जनाएको छ ।
