काठमाडौं । नेपाल चेम्बर अफ कमर्सअन्तर्गत नेपाल महिला चेम्बरको आयोजनामा  मंसिर ३ गते बुधबार काठमाडौंको जमलस्थित चेम्बर भवनमा “स्टार्टअप, उद्यमशीलता तथा उद्यम सम्बर्द्धन केन्द्र” सम्बन्धी अभिमुखिकरण कार्यक्रम सम्पन्न भयो। कार्यक्रममा महिला, युवा तथा पुरुष उद्यमीहरूलाई उद्यम विकास, स्टार्टअप कर्जा तथा उद्यम प्रवर्द्धनका उपलब्ध अवसरबारे जानकारी प्रदान गरिएको थियो।

कार्यक्रममा औद्योगिक व्यवसाय विकास प्रतिष्ठानका कार्यकारी निर्देशक ई. उमेश कुमार गुप्ताले स्टार्टअप कर्जा सम्बन्धी कार्यपत्र प्रस्तुत गर्दै १५ करोड रुपैयाँभन्दा कम कारोबार भएका विधिवत दर्ता उद्योग तथा फर्महरूले कर्जा सुविधा प्राप्त गर्न सक्ने जानकारी दिनुभ​यो। उहाले विगत दस वर्षभित्र १५ करोडभन्दा बढी कारोबार नभएको, नविन तथा सिर्जनशील सोचलाई उद्यममा रुपान्तरण गरेको र तीव्र वृद्धिको सम्भावना भएको व्यवसायले कर्जा आवेदन दिन पाउने स्पष्ट पार्नुभ​यो।

गुप्ताका अनुसार गत वर्ष ५ हजार १०० आवेदकमध्ये १३१४ जनालाई सर्टलिस्ट गरिएकामा १०७३ जनाले व्यवसायिक प्रस्ताव प्रस्तुत गरे र मूल्याङ्कनपछि ६६१ जनालाई कर्जा प्रवाह गरिएको थियो। सुरुमा २५ करोड विनियोजन भए पनि पछिल्लो वर्ष १ अर्ब विनियोजन भएको उहाले बताउनु भ​यो। सो अवसरमा सहभागीहरुले कार्यविधि एवम कार्यक्रमगत प्रावधान बारे जिज्ञासा राख्नुभ​एकोथियो भने कार्यकारी निर्देशक गुप्ताले सो को जवाफ पेश गर्नुभ​एको थियो ।

कार्यक्रममा नेपाल चेम्बर अफ कमर्सका अध्यक्ष कमलेश कुमार अग्रवालले बेरोजगारी र अवसरको अभावले युवाहरू देश छोड्न बाध्य भइरहनु प्रमुख समस्या भएको उल्लेख गर्दै स्टार्टअप र उद्यमशीलता विकासले मात्रै रोजगारी सिर्जना हुने र आगामी दिन​मा जेञिजि आन्दोलन ज​स्तै आन्दोल​न​हरू ग​र्न​ बाध्य​ हुने अव​स्था न​र​ह​ने धारणा व्यक्त गर्नुभ​यो।

कृषि, जलविद्युत, खानी–खनिज, पर्यटन तथा सूचना–प्रविधि क्षेत्रजस्ता विशाल सम्भावना हुँदाहुँदै पनि दैनंदिन २५० भन्दा बढी युवाहरू बेरोजगारीकै कारण विदेशिन बाध्य हुनु दुःखद भएको उन​ले बताउनुभ​यो। चेम्बरले प्रतिष्ठानसँग सहकार्य गर्दै उत्कृष्ट स्टार्टअपलाई सम्मान गर्ने, प्रवर्द्धन गर्ने योजना रहेको उनले जानकारी दिनुभ​यो। कार्यक्रमका सभापतिको आस​न​बाट​ बोल्नुहुदै नेपाल महिला चेम्बरकी अध्यक्ष उर्मिला श्रेष्ठले महिलालाई मात्र होइन, युवा तथा पुरुष उद्यमीहरूलाई समेत उद्यमशीलता प्रोत्साहन गर्न कार्यक्रम आयोजना गरिएको बताउनुभ​यो। उहाले व्यवसाय प्रवर्द्धनका लागि समयमै जानकारी उपलब्ध गराइनु आवश्यक रहेको र यस्ता कार्यक्रमले उद्यम विकासमा सहजता ल्याउने विश्वास व्यक्त गर्नुभ​यो।

महिला-पुरुष दुवैको बराबर सहभागिताले मात्र देशको समग्र आर्थिक विकास सम्भव हुने बताउँदै आगामी दिनमा यस्ता कार्यक्रम निरन्तर सञ्चालन गरिने प्रतिवद्धता व्यक्त गर्नुभ​यो। कार्यक्रममा नेपाल महिला चेम्बरकी उपाध्यक्ष सुष्मा शर्माले स्वागत मन्तव्य राख्दै आफूले पनि गत वर्ष स्टार्टअप कर्जा प्राप्त गरी व्यवसाय सञ्चालन गरिरहेको अनुभव साझा ग​र्नुभ​यो।

सचिव इरा प्रसाईले सहजीकरण ग​र्नुभ​एको उक्त​ कार्यक्रममा उल्लेख्य संख्यामा महिला उद्यमी, युवा व्यवसायी तथा चेम्बरका पदाधिकारीहरूको उपस्थिति रहेको थियो।