काठमाडौं । सेफ्स एशोसिएसन अफ नेपालले बोर्ड सदस्य राम चन्द्र धरेलका स्वर्गीय मातापिताको सम्झनामा श्रद्धाञ्जली सभा आयोजना गरेको छ । बोर्ड सदस्य राम चन्द्र धरेलका पिता बेदनाथ धरेल र माता सुभद्रा धरेलको निधनको १३ औ दिनको तिथिमा शुक्रबार सेफ्स एशोसिएसन अफ नेपालको केन्द्रीय कार्यलय रानीबारीमा श्रद्धाञ्जली सभा गरिएको छ।

श्रद्धाञ्जली सभामा सेफ्स एशोसिएसन अफ नेपालका अध्यक्ष रेशम कुमार लामा तामाङले धरेल दम्पतीको निधनले हामीले अभिभावक गुमाएका छौं। उहाँको अतुलनीय योगदान सदैव स्मरणीय रहने बताए । संस्थाको तर्फबाट सम्पूर्ण पदाधिकारी, पूर्व अध्यक्षहरू, वर्तमान कार्यसमिति सदस्यहरू तथा सम्पूर्ण सदस्यहरूले स्वर्गीय बेदनाथ धरेल र सुभद्रा धरेल प्रति हार्दिक श्रद्धाञ्जलि अर्पण गर्दै, उहाँको दिवंगत आत्माको चिरशान्तिको कामना गरेका छन्।

साथै, शोकसन्तप्त परिवारजन, आफन्तजन तथा प्रियजनहरूप्रति गहिरो समवेदना व्यक्त गर्दै धैर्य र सहनशक्तिको कामना गरिएको छ।