तिरस्कार, विभेद, उपहास होइनमाया , प्रेम, सद्भाव दिनुस् यो पाप होइन, यो श्राप होइन,अपाङ्गता मेरो स्वीकारिदिनुस् ।

म जस्तै सन्तान जन्मिनुमाकसरी दोषि हुन्छिन् आमा दायित्व बराबर बाबा आमाकोधिकार्दै गर्भ किन रुन्छिन् आमा ?

नीराशा, तमासा, अपमान होइनआशा, भरोसा, सम्मान दिनुस् यो रहर होइन, आकांक्षा होइनअपाङ्गता मेरो स्वीकारिदिनुस् ।

शिक्षामा पहुँच, अवसरमा पहुँचभएमा गन्तव्य भेटिन्छ रे    केही होइन भन्छन् चर्मका आँखामनले नै संसार देखिन्छ रे ।

आँसु, बिलौना, लालछाना होइनखुशी, समभाव, सपना दिनुस् भवितव्य हो यो, अज्ञानता हो योअपाङ्गता मेरो स्वीकारिदिनुस् ।

हात नहुँदा खुट्टाले लेखीसाहित्यका तारा बन्दैछन् यहाँ दृष्टिविहीन पुगे रे सगरमाथाक्षमता शून्य कोही हुन्न यहाँ ।

दोष, अभाव, अवजश होइनआँट, उर्जा, हौसला दिनुस् मिसाइ आवाज अधिकारका लागि अपाङ्गता मेरो स्वीकारिदिनुस् ।

रचयिता
नीरा अधिकारी
उप–सचिव
महिला, बालबालिका तथा जेष्ठ नागरिक मन्त्रालय