✍️आशा जिमी याक्खा

मोएक मोएम युन्चासाङ् तुम्होक उलाङ्बे न्दा तायागानिङ्

तुबाच्या कान्चिङ् मुयावा होङ्मा धावा चोगुगानिङ

ङ्खात्ला उचुन्ना तुम्होक तेन तिनजुरेगा लाङ्छोक्‌पे

प्याकमाङ उचुन्ना गोधुलीबे मेला पोङ्मे?निङ् ॥

इमारिङ्चि बे फुङ्फेत्लाम न्दायान्निङा बि

न्दामाङ आका छेम न्लुतुगान्निङ बि

खा?वालाङ्गा कोङ्गु चा सुन्ने एतुङ् बि

ओम्‌लेक्ना भेनिक्‌पेहा सेम्माङ्चि चा ङ्खुसाख्या बि ॥

मेख्वाधुमगा फोप्मा हाम्साङ् चुमाब्याना तेनबे

एको छेम छेप्मा मितुक्साङ ङ्गा माङ निङ्बे

म्मुन्दिन यो झारसादी नुङ् उइमालाङ्ना लाम्बुचा

मि?याङ मोरोक याक्खा तेनगा हेक्कोना पाटो चा ॥

कोङ्गुबेत्ना हि?वा नुङ् मासाब्याना सेम्माङ्बे

सिम्बोले छ्वाङ्ङा फोम्ल्याङ आक्त्वा चारामबे

लेक्‌लेक्‌पा फेन्दोङ् लाम्बु मुक लाप्साङ् लामाचिनिङ्

लाछेम बे?ना ला माङ् लो?वा उधौलीबे तायागानिङ ॥

मोएक मोएम युन्चासाङ् तुम्होक उलाङ्बे न्दा तायागानिङ् तुबाच्या कान्चिङ् मुयावा होङ्मा धावा चोगुगानिङ ॥ नुनिङ्वायो,सेवायो ॥