काठमाडौं । सामाजिक सेवामार्फत स्वास्थ्य क्षेत्रमा निरन्तर योगदान दिँदै आएको ॐ समाज डेण्टल अस्पतालले माघ महिनाको दोस्रो हप्तामा आफ्नो १९०औँ विशेष स्वास्थ्य शिविर सफलतापूर्वक सम्पन्न गरेको छ । चापागाउँ दोबाटो अगाडि, भाटभटेनी नजिक आयोजित यस शिविरले आम नागरिकमा स्वास्थ्य चेतना बढाउने र सेवा–सुविधाको पहुँच विस्तार गर्ने उद्देश्य राखेको थियो ।

सामाजिक अभियन्ता राजन थापा को पहलमा सञ्चालन भएको उक्त शिविर कार्यक्रममा आधुनिक प्रविधिको प्रयोग गर्दै सर्वसाधारणलाई गुणस्तरीय, सुलभ र विश्वासिलो स्वास्थ्य सेवा प्रदान गरिएको थियो । थापाले भन्नुभयो, “स्वास्थ्य सेवा केवल अस्पतालको चार पर्खालभित्र सीमित हुनु हुँदैन । यसलाई समाजका ढोका–ढोकासम्म पुर्‍याउनु नै हाम्रो उद्देश्य हो ।” शिविरमा सहभागी नागरिकलाई तीन मुख्य सेवा प्रदान गरिएको थियो: Electro Aculife प्रविधिबाट स्वास्थ्य जाँच पूर्ण शरीर (Whole Body) चेकजाँच, जहाँ सामान्य शुल्क रु १०००/१५०० पर्ने सेवामा विशेष अफर रु ५०० मात्र लागू गरिएको थियो ।

थापा भन्नू हुन्छ १९० शिविर गर्दा आजकाे कामले अझ मलाई हाैसला बढेको छ निःशुल्क स्वास्थ्य परामर्श र प्राथमिक उपचार सेवा यसले सर्वसाधारण नागरिकलाई न्यून शुल्कमा आधुनिक प्रविधिबाट स्वास्थ्य परीक्षण गराउने अवसर प्रदान गरेको छ । कार्यक्रममा वरिष्ठ सर्जन डा. सुवास घिमिरे ले ॐ समाज डेण्टल अस्पतालले सामान्य नागरिकले सहज रूपमा पाउन नसकेको सेवा उपलब्ध गराउँदै आएको उल्लेख गर्दै भन्नुभयो, “यो शिविरले साँच्चिकै सडकदेखि सदनसम्मका नागरिकका लागि सेवामूलक काम गरेको छ ।

स्वास्थ्य सेवा मानव जीवनको आधार हो र यसलाई सबैका लागि पहुँचयोग्य बनाउनु हाम्रो साझा दायित्व हो।” शिविरमा प्रयोग गरिएको Electro Aculife प्रविधि नेपालमा भित्रिएका नयाँ स्वास्थ्य प्रविधिमध्ये एक प्रभावकारी विधि मानिन्छ । यस प्रविधिबाट शरीरमा रहेका करिब १२४ प्रकारका रोगसम्बन्धी संकेतहरूको जानकारी प्राप्त गर्न सकिन्छ । प्रमुख विशेषज्ञ दिनेश कार्की का अनुसार, “यो प्रविधिले नेपाली जनताको स्वास्थ्य सचेतना र उपचार प्रणालीमा सकारात्मक टेवा पुर्‍याउनेछ ।”

Electro Aculife प्रविधि परम्परागत चिनियाँ चिकित्सा प्रणालीमा आधारित आधुनिक इलेक्ट्रो–एक्युपङ्क्चर विधि हो । यसमा शरीरका निश्चित एक्युपङ्क्चर बिन्दुहरूमा सुई प्रयोग नगरी हल्का विद्युत् तरङ्ग वा चुम्बकीय कम्पनद्वारा उत्तेजना दिइन्छ। यसले शरीरभित्रको ऊर्जा प्रवाह (Qi) र रक्तसञ्चार सन्तुलनमा सहयोग पुर्‍याउने बताइन्छ । उपकरण पोर्टेबल र ब्याट्रीबाट चल्ने भएकाले प्रयोगमा सजिलो छ। यसले थकान कम गर्न, मांसपेशी तथा नसाहरू सक्रिय बनाउन, तनाव घटाउन र शरीरलाई आराम महसुस गराउन सहयोग पुर्‍याउँछ ।

विशेषगरी सुई प्रयोग गर्न डर लाग्ने व्यक्तिहरूका लागि यो वैकल्पिक उपचार विधि मानिन्छ । यद्यपि, यस प्रविधिबाट हुने सबै लाभहरू पूर्ण रूपमा वैज्ञानिक रूपमा प्रमाणित भइसकेका छैनन् । त्यसैले गम्भीर रोग, गर्भावस्था, मुटुसम्बन्धी समस्या वा पेसमेकर प्रयोग गर्ने व्यक्तिले चिकित्सकको सल्लाह लिनु आवश्यक छ ।

यस विशेष स्वास्थ्य शिविर Om Samaj Dental Hospital र Brainway Multi Trade Marketing Pvt. Ltd. को सहकार्यमा आयोजना गरिएको थियो । Brainway Multi Trade Marketing Pvt. Ltd. की सञ्चालक कल्पना के.सी. ले समाजमा रहेका असहाय र कमजोर वर्गका नागरिकलाई आधुनिक प्रविधिमार्फत प्रभावकारी सेवा प्रदान गर्दै आएको बताउँदै भनिन्, “हामी प्रविधिको माध्यमबाट समाजसेवामा योगदान पुर्‍याउन पाउँदा गर्व महसुस गर्छौं ।” सेवामा समर्पित यो विशेष दिन समाजप्रति उत्तरदायी भावनाका साथ स्वास्थ्य सेवाको पहुँच विस्तार गर्ने उद्देश्यले आयोजना गरिएको थियो ।

आजकाे शिविरमा ३०८ जनाले सेवा लिएका, जसमा ८७ जनाको दात सफाइ र २३ जनाको दन्त उपचार गरिएको थियो । शिविरको क्रममा दन्त तथा स्वास्थ्यसम्बन्धी विविध सेवा प्रदान गर्दै प्रत्येक बिरामीको मुस्कान आयोजक टोलीको सबैभन्दा ठूलो उपलब्धि बनेको अनुभूति गरिएको छ । कार्यक्रममा सहयोग गर्ने चिकित्सक टोली, व्यवस्थापन पक्ष, स्वयंसेवकहरू तथा सहभागीहरूलाई प्रशंसा पत्रद्वारा सम्मान गरिएको थियो । पत्रकार नन्द लाल खरेल पनि कार्यक्रममा उपस्थित भई आयोजकको सराहना गर्नुभयो । स्वास्थ्य सेवामार्फत समाजमा आशा, विश्वास र मुस्कान फैलाउने यो सामाजिक अभियान निरन्तर अघि बढिरहोस् भन्ने कामना व्यक्त गरिएको छ ।