काठमाडौं । स्वास्थ्य सेवा केवल उपचारमा सीमित हुँदैन, त्यसमा विश्वास, आत्मीयता र मानवीय संवेदनाको पनि उत्तिकै महत्वपूर्ण भूमिका हुन्छ। यही कारणले आज ॐ समाज डेण्टल अस्पतालमा उपचार गराउन आउने धेरै बिरामीहरूको पहिलो रोजाइ बनेका छन् डा. सुवास घिमिरे ।
बिरामीहरू भन्छन्, “डाक्टरले औषधि मात्र होइन, आत्मविश्वास पनि दिनुपर्छ ।” यही विशेषताले डा. घिमिरेलाई अन्य चिकित्सकभन्दा फरक बनाएको छ । उहाँले प्रत्येक बिरामीको समस्या ध्यानपूर्वक सुन्नुहुन्छ, उपचार प्रक्रियाबारे सरल भाषामा जानकारी दिनुहुन्छ र बिरामीलाई आफ्नै परिवारको सदस्यझैँ व्यवहार गर्नुहुन्छ ।

विदेशबाट समेत उपचारका लागि आकर्षण

नेपाल बाहिर बसोबास गर्ने नेपाली तथा विदेशी नागरिकहरू समेत डा. घिमिरेको उपचार सेवाप्रति आकर्षित हुँदै आएका छन्। विदेशमा रहेका धेरै नेपालीहरू नेपाल फर्कँदा दन्त उपचारका लागि विशेष समय छुट्याएर ॐ समाज डेण्टल अस्पताल पुग्ने गरेका छन्। गुणस्तरीय उपचार, आधुनिक प्रविधिको प्रयोग, उचित परामर्श र बिरामीप्रतिको आत्मीय व्यवहार यसको मुख्य कारण मानिएको छ।

विदेशबाट आउने बिरामीहरूमा व्यवसायी, शिक्षाविद्, सामाजिक अभियन्ता, कर्मचारी, विद्यार्थी तथा विभिन्न पेशामा संलग्न व्यक्तिहरू रहने गरेका छन्। उपचारपश्चात् सन्तुष्टि व्यक्त गर्दै उनीहरूले अन्यलाई समेत सिफारिस गर्ने गरेका छन्।

सबै शाखामा समान सेवा दिने प्रतिबद्धता

डा. घिमिरेको विश्वास छ, “सेवा सबैसम्म समान रूपमा पुग्नुपर्छ ।” यही सोचका साथ उहाँ अस्पतालका विभिन्न शाखाहरूमा पुगेर उपचार सेवा, चिकित्सकीय गुणस्तर तथा बिरामीको सन्तुष्टिबारे प्रत्यक्ष जानकारी लिने गर्नुहुन्छ ।उहाँका अनुसार अस्पतालको हरेक शाखामा एउटै स्तरको सेवा उपलब्ध गराउनु आवश्यक छ । त्यसैले बिरामीसँग प्रत्यक्ष भेटघाट, चिकित्सक तथा स्वास्थ्यकर्मीलाई आवश्यक मार्गदर्शन र सेवाको गुणस्तर मूल्याङ्कनका लागि उहाँ नियमित रूपमा शाखाहरूको निरीक्षण गर्ने गर्नुहुन्छ ।

बिरामीको मन जित्ने चिकित्सक

धेरै बिरामीहरू उपचार सकिएपछि पनि डा. घिमिरेसँग सम्पर्कमा रहने गर्छन् । यसको कारण केवल सफल उपचार मात्र नभई उहाँले देखाउने मानवीय व्यवहार र आत्मीयता पनि हो। बिरामीको पीडालाई आफ्नै पीडा सम्झेर सेवा गर्ने उहाँको शैलीले हजारौँ मानिसको मन जितेको छ ।

आज ॐ समाज डेण्टल अस्पतालको सफलताको पछाडि आधुनिक उपकरण, दक्ष चिकित्सक र प्रभावकारी व्यवस्थापनसँगै डा. सुवास घिमिरेको सेवाभाव, समर्पण र बिरामीप्रतिको अटल विश्वास महत्वपूर्ण आधार बनेको देखिन्छ । स्वास्थ्य क्षेत्रमा सेवा, संवेदना र विश्वासको पर्यायका रूपमा स्थापित डा. सुवास घिमिरे धेरै बिरामीका लागि चिकित्सक मात्र होइनन्, आशा र भरोसाका प्रतीक बनेका छन् ।