काठमाडौं। नरिवल हरेक रूपमा धेरै उपयोगी छ, चाहे त्यो यसको पानी होस्, फल होस् वा तेल। यही कारणले गर्दा सबैले आफ्नो घरमा कुनै न कुनै रूपमा नरिवलको प्रयोग गर्छन्। गर्मी मौसम सुरु हुने बित्तिकै नरिवलको पानी पिउनुपर्छ । यसो गर्नाले तपाई गर्मी स्ट्रोकबाट बच्नुहुनेछ र शरीरमा पानीको कमीबाट बचाउँछ।

पोषक तत्वको खानी ः नरिवलमा प्रोटिन, कार्बोहाइड्रेट, हेल्दी फ्याट, फाइबर, म्यांगनीज, कपर, पोटासियम, आइरन, जिंक, सेलेनियम जस्ता पोषक तत्वहरू भरिपूणर् हुन्छन्।

मुटुको स्वास्थ्यका लागि फाइदाजनकः नरिवलबाट निकालिएको तेलले राम्रो कोलेस्ट्रोल बढाउँछ, खराब कोलेस्ट्रोल घटाउँछ र पेटको बोसो पनि घटाउँछ, जसले मुटुसम्बन्धी समस्याको जोखिम पनि कम गर्छ।

रगतमा चिनीको मात्रा नियन्त्रण : नरिवलमा कार्बोहाइड्रेटको मात्रा कम हुन्छ र यसमा अमीनो एसिड, स्वस्थ बोसो र फाइबर प्रशस्त हुन्छ, जसले रगतमा चिनीको मात्रा नियन्त्रण गर्न मद्दत गर्छ।

हड्डी मजबुत बनाउँछ : नरिवलमा पाइने म्याङ्गनीज र फस्फोरस हड्डीका लागि निकै महत्वपूर्ण हुन्छ ।

शक्तिशाली एन्टिअक्सिडेन्टले भरिपूर्ण : यसमा पोलिफेनोल एन्टिअक्सिडेन्ट पाइन्छ, जसले कोषहरूलाई क्षति हुनबाट बचाउँछ। यसले धेरै प्रकारका रोगहरूबाट पनि बचाउँछ।

उर्जाको स्रोतः नरिवलको पानी पिउनाले तुरुन्तै ऊर्जा प्राप्त हुन्छ वा यसको अर्क ऊर्जाको उत्कृष्ट स्रोत हो। यसमा मिडियम चेन ट्राइग्लिसराइड ९एमसीटी० पाइन्छ, जुन एक प्रकारको संतृप्त फ्याट हो र शरीरमा प्रवेश गर्ने बित्तिकै यो ऊर्जामा परिणत हुन्छ।

हाइड्रेटेड राख्छः नरिवलमा पोटासियम, क्याल्सियम, म्याग्नेसियम जस्ता इलेक्ट्रोलाइटहरू पाइन्छ, जसले शरीरलाई हाइड्रेट गर्न मद्दत गर्दछ।

स्वास्थ्यसँगै स्वाद बढाउँछः नरिवलको चटनी होस् वा नरिवलको फ्लेक्स, त्यसबाट बनाइएको बर्फी होस् वा ग्रानोला कुकीज, नरिवलले सबै खानामा पौष्टिकता मात्र नभई खानाको स्वाद पनि बढाउँछ।