काठमाडौं । राेल्पालि चेली फाउन्डेसनले काठमाडौंमा आयोजना गरेको विशेष सांस्कृतिक तथा सामाजिक कार्यक्रम भव्यताका साथ सम्पन्न भएको छ । कार्यक्रममा संस्थाका पदाधिकारी, समाजसेवी, राजनीतिक एवं व्यावसायिक क्षेत्रमा सक्रिय व्यक्तित्वहरू तथा विभिन्न संघ–संगठनका प्रतिनिधिहरूको उपस्थितिले कार्यक्रमलाई थप अर्थपूर्ण बनाएको थियो ।

कार्यक्रममा प्रमुख अतिथि तथा विशिष्ट अतिथिहरूलाई सम्मानपूर्वक स्वागत गरियो । स्वागत मन्तव्यमा संस्थाले महिला सशक्तिकरण, शिक्षा, स्वास्थ्य, संस्कृतिको संरक्षण र सामाजिक एकताको लागि फाउन्डेसनले निरन्तर काम गर्दै आएको जानकारी दिइयो। यस अवसरमा वक्ताहरूले नेपालमा महिलाको योगदान, समाजपरिवर्तनमा उनीहरूको भूमिका र आगामी दिनमा रोल्पालि चेली फाउन्डेसनले निर्वाह गर्ने दायित्वबारे प्रकाश पारे ।

कार्यक्रमलाई तीज पर्वसँगै जोडेर सांगीतिक तथा सांस्कृतिक प्रस्तुति समेत गरिएको थियो । सहभागीहरूले तीजलाई महिलाको एकता, आनन्द र संस्कृतिको प्रतीकका रूपमा आत्मसात् गर्दै गीत–संगीतमार्फत आपसी सद्भाव र आत्मीयता सुदृढ गर्ने सन्देश दिएका थिए ।