.gif)
गोरखा । पालुङटार नगरपालिका–४ बाह्रपिर्केमा असोज ९ गते हाट बजार उद्घाटन कार्यक्रम हुने भएको छ । नगर कार्यपालिकाको कार्यालय अन्तर्गत स्थानीय हाट बजार सञ्चालन तथा व्यवस्थापन समितिको आयोजनामा हुने कार्यक्रममा स्थानीय उत्पादनलाई प्रोत्साहन दिइने जनाइएको छ ।
 x 450 (H) Global Pana.jpeg)
कार्यक्रममा कृषकहरूले उत्पादन गरेका तरकारी, फलफूल, अन्नबाली, जडीबुटी, मसला, कुखुरा, खसीबोका लगायतका कृषि उपज तथा उप–उत्पादन प्रदर्शनी र बिक्री वितरण गरिनेछ । साथै लघु उद्यमीहरूले तयार पारेका सामग्री र परिकारहरू पनि बजारमा उपलब्ध हुनेछन् ।
नगरपालिकाले स्थानीय उत्पादनको बिक्री बढाएर कृषकलाई प्रत्यक्ष लाभ दिलाउने उद्देश्यले हाट बजार आयोजना गरिएको बताउँदै सम्पूर्ण कृषक तथा उपभोक्तालाई कार्यक्रममा सहभागी भई लाभ लिन आह्वान गरेको छ ।
उद्घाटनको अवसरमा स्थानीय झाँकी तथा नृत्य प्रस्तुत गरिनेछ भने कृषकहरूलाई निःशुल्क स्टल उपलब्ध गराइने नगरपालिकाले जनाएको छ।
